كشتي سر سعادتي

اهلييييييييييييييييييييييين كيفكم ؟؟؟؟ ما اطول اخليكم مع السالفة ههههههههاااي


هذي فقشه من فقشاتي البريئه ..
كنت فتاة في عمر الزهور , عصلا القوام , شينة الوجه لكن مملوحة , بيضاء البشرة
مع اسوداد بالركب والاكواع
كان معكر صفو حياتي شي واحد الي هي( كشتي )
ما جا برنامج في التلفزيون إلا طلعو كشتي فيه
طلعت في موسوعة غينيس للارقام القياسيه
في عيد رأس السنه يجون الفرنسيين ويستأجروني علشان يعلقون الهدايا بشوشتي = كشتي

بدال الشجره الي يحطونهاا
حتى في برنامج الخنزيرة اوبرا طلعت
اوبرا اول ماشافتني يا لهووووووي
وبعدها اسلمت اوبرا ونطقت الشهاااده
بعد ماشافت قدرت الله في خلقه

اخذتني امي للمطوع علشان يقرأ علي يمكن تهجد كشتي على بالهم الي خلاها واقفه الجنون
قال المطوع اذلفي انتي وبنتس اصلن هي جنيه بنفسهااا حاولت اقصها لكن عجزت
كل مقصات العالم تكسرت ما خليت شي إلا جربته جربت شاكوش جربت النجر> مدري وش دخله
جابو سواطير وسيوف ومسدسات وكل انواع الاسلحه ولا شي فاد ..


<<< بوش اعلن خبر عاااجل >>>


أعلان الحرب على المملكة العربية السعوديه وخصوصاً منطقة ......... وتحديداً في حي .......

والهدف في بيتنا القابع في اخر الحاره ....
والسبب كله كشتي الكل يحااول القضاء عليها
لكن كل محاولاتهم بائت بالفشل
الطيارات الي ارسلها بوش الى هذي اللحظه وهي ناشبتن في كشتي
"المووهم اقوول لكن نصف الجيش الامريكي ضايع في شوشتي = كشتي
صرت مثل مثلث برمودا اي شي يروح له يختفي
يعني مصير الجيش مجهوول الحين
خافت امريكا ولاول مره تخاااااف في تاريح العالم تخاف امريكا
اللهم اذل الشرك والمشكرين ودمر اعداء الدين
شفتوو شوشتي"كشتي" كيف قدرت تتغلب عليهم
المووهم بوووش اعلن انسحاب نص جيشه البااقي
وكلهم رجعوو
عاد بوش اكل تبن وسكت

كان حلمي حلم اي بنت
احلم بفارس احلامي
دايم اسرح وانا اقطع البصل >> عرفت تختار المكان المناسب
اسرح بفارس اقرع الرأس مافيه ولا شعره وصلعته تلمع مثل اللؤلؤ
واضحك على نفسي اقوول يابنت الحلال احلمي بشي معقوول
مو بواحد اقرع مو بمستواك
اكيد بكرى لو تزوجتيه راح يتكبر عليتس بصلعته اللماااعه والبنات راح يخطفونه منتس
قلت الظاهر ربي راح يبلاني بواحد شوشته شهبا مثلي
اللهم لا اعتراض
قلت بصبر واحتسب الاجر
ماقدرت الكل يضحك علي ..
بزارين الحاره إذا شافوني مريت بالشارع كلهم يهربون يخافون من كشتي
دايم إذا ضاع الشي كل الاتهامات علي انا
يقولون اكيد بشوشتس
كل اقلامي من ايام الابتدائيه والمتوسطه والثانويه في كشتي
لاني إذا جيت افكر احط القلم فوق اذني ينشب بشعري
اذكر ايام العيد والمناسبات اعذب اميمتي
تدور كل محلات ابو ريالين وتجمع كل الشباصات الي بالمحل
وتأخذ اسبوع كااامل وهي تصفها بشعري علشان اصير حلوه واتزوج وتفتك مني
ضاقت علي الدنيا الواسعه
وطلعت للسطح علشان ابكي وافضي كل القهر والالم الي مكبوت فيني
اتصلو جيراننا قالو خلو بنتكم تنزل من السطح
دشنا خرب من كشتهااا
يااااااارببببيييييييه انا وش اسوي
اذبح نفسي علشان يرتاااحون
في يوم ممطر قلت بروح اصلي وادعي الله انه يرزقني الزوج الصالح > ههههه عندها امل تتزوج
سبحان الله
ماراح تصدقون من جد هذي من عجائب الدنيا
حصلت معجزه
تخيلوو من ثاني يوم مر في حارتنا همر
كشخه
عاد بزارين الحاره ماقصرو قامو بالواجب واكثر رمووه بالحصى لين وقف عند باب بيتنا وكلهم هربوو
ماينلامون بيت ام كشه >> مرعبة الحاره << هههههههههه
المووهم وينزل ذاك الشاب الأطخم
صاحب العضلات والصلعة اللماااااااعة السحريه
بتقولون وش لون شفتي صلعته
بقول لكم : لانه مصلح حركه جديده مطيح الشماغ والطاقيه لنص الصلعه
عاااد لا تسئلوني وش لون صلح الحركه ذي
هو مطنوخ وولد نعمه ويقدر يصلح الي يبي
ابد انا اول ماشفته خقيت معه وطحت صريعه في حبه بس الحمد لله صحوني اهلي
طبعاً الكلام هذا خلف الكواليس
يعني الى الان ماتقابنا وجه لوجه
طول الوقت وانا اوايق من الباب واسترق السمع ..
ابووي استقبل الرجال وضيفه بالمجلس
ومد له فنجال القهوه وقال له سم
المروح اخذ الفنجال وكبه على ابوووي
انا بغيت ادخل واتوطا في بطنه
قال ابوي افااااااا
تكب قهوتي علي
قال الرجال ما اشربها إلا اذا قلت لي تم
قال ابوي تم بس اشرب قهوتك ويصير خير >> اشك ان ابوي حاط بالقهوه شي
<< وش معنى مصمم ان الرجال يشربهاا >>

ما علينا !!!!

قال الرجال طلبتك بنتك مطفووقه
قال ابوي عطيتك
افاااا يبي الفكه مني
قال ابوي يالله هات المملك علشان نملك ونقضي .
قال الرجال وراك مستعجل .؟؟
ابوي : خير البر عاجله >> كنت حاسه ان الشايب يبغى الفكه مني
قال الرجال لازم اشوف بنتك قبل ما اتزوجهااااااا
في هذي اللحظه غيم الحزن على وجه ابوي ونزل راسه وسكت ..
والتفت على امي وهي جنبي وان دمعتهاا سالت على خدهااااا وتبتسي
قال ابوي يصير خير ...........
طلع ابوي ولقانا عند الباب وقال لي يا بنتي السالفة تسذا وتسذا قلت ادري بس وش المطلووب
قال مصمم يشوفتس قلت لالالالالالالالالالالالالالالا لالا >> توها تكتشتف ان الكيبورد فيه حرف لا
قلت يبه النتيجه معروفه لو طلعت له
قال وش اسوي يا بنتي هذا شرطه الوحيد !!
واذا الله كاتب انه من نصيبتس راح تأخذينه ,
وبعدين يا بنيتي لو هو شاريتس صدق بيأخذتس لو فيتس عيوب الدنيا كلهااا
وانتي الحمد لله مزيونه وخلوقه وكل شي زين فيتس اللهم شي بسيط إلي هو كشتس قلت هين بسيط
قالت امي ماتدرين يا بنيتي ممكن تكون الكشه هذي سبب سعادتس قمت اضحك انا
قلت طيب شوركم وهداية الله ..
خلاص يبه قول له يجي بعد اسبووع على ما اجهز عمري ..
في اليوم الثاني وصيت ابوي يجيب لي وايت موويه علشان اتروش واغسل كشتي الي لها سنين ماطبت المويه
تروشت وخلصت واستاجرت نص كوفيرات الرياض علشان يستشورون كشتي ويهجدونها لي..
عاد جا الموعد تكشخت وتزينت صرت قمر 14 بسم الله علي
بخرت المجلس وجهزت العصير علشان اقدمه > ماقصرو الافلام المصريه علمونا كل شي ,
دق الجرس وفز قلبي معه *******
دخل صاحب الصلعة البهية
استقبله ابوي بكل حفاااوه > مدري من وين جايبنهاا
وقلطه بالمجلس بعد خمس دقايق يدخل علي ابوي وانا الحيا يقاااطر مني
قال هاااا يا بنيتي خطيبتس ينتظرتس قلت تيب > ياشين الدلع عليتس
دخلت على خطيبي
وماسكة الصينيه وفيها العصير كان عصير طماط
> هذي الرومنسيه وش فهمكم انتم ههههههههه
هو طمر اول ماشافني قال هاتي الصينيه عنتس ..
انا يوم شفته جيت اسلهم برموشي بس عجزت
ابتسم هو وقال يا هلا والله بالزين كله
فتحت خشتي انا مو متعوده على كلام زين قال هااااتي الصينيه بنزلها
إلا وانا انطفق واكب العصير على ثوبه
وانكمش داخل هدومي من الفشيله
قال ابوي حصل خير كل واحد يصلح سيارته ..
ضحك خطيبي وقال ما يخالف هذا الحيا ومايسوي
الغريب في الامر انه ماجاب طاري عن كشتي ولا تكلم ..

ملك علي وقررنا العرس بالصيفيه
تصدقون ما بقى من مهري إلا ربعه >> كله راح بالطرحه حقت العرس
يالله يالله لقت الكوافيره طرحه كبر كشتي
راحت لباريس خصيصاً علشان طرحتي


جت ليلة العمر >> ليلة الدخله
وانا وش ملحي اهبل ولابسة الفصطااان الابيض
وزفونا وجلسنا لحالنا >> لا اهلتس دخلو معتس
تصدقون اعترف لي مطفووق بأعتراف خطير
قال صدقيني يا مطفووقه من اول يوم شفتس فيه وانا طايحن في حبتس وكله من كشتس هذي
عجزت انام من كثر التفكير ..
>> والخبله صدقت ههههههههههه
يقول كان حلمي اني اتزوج بنت لها كشه
والحمد لله ربي رزقنا باحلى ام كشه بالعالم
ابتسمت انا وقل بكل حيا الله يسلمك يابعد طوايف اهلي
تصدق حتى انا كنت احلم بواحد مثلك دايم اقوول يارب اتزوج واحد اصلع نظيف وسيم
وربي رزقني فيك ..
قال سبحان الله

شفتي يا حبي ربي يحبناا ...
تعالي قربي عندي يا قلبي .................. طوط طوط

تم تشفير هذه الفقره من قبل المشرف ا لعااام ولا احد يسئل عن الاسباب
وصارت كشتي هي مصدر سعادتي مثل ماقالت امي
عشت حياتي في هنا وسعادة وخلفت صبيان وبنااات
ثلاث بنات لهم كشش وثلاث عيال قرعاااان ....


مايستفاااااااااد
1/ الى كل عاانس جالسه في تسبد اهلها ادعي ربتس انه يرزقتس بالزوج الصالح ولا تيأسي
وتقولين فيني عيوب الدنيا كلها ومحد مفكر فيني .. شوفي انا وش كان عيبي وربي وفقني
وتزوجت بالي احلم فيه ...
2 / ركزووو بأوقات الدعاء لازم تكثرون الدعاء في اوقات الاستجابه
شوفو انا دعيت وقت نزول المطر >> كذبت وصدقت كذبتهااا
3/ مافيه حب قبل الزواج الحب الحقيقي بعد العرس وبس >> اخس يالمتزوجه
4/ حاولي تغسلين الحوش مع امتس دايم
يمكن يشوفتس ولد الجيران من الشبااك ويعجب فيتس ويخطبتس >> ورا ماتظفين وجهتس



مـلـطــوش بن مـلـطـاش بن مــليـطيـش

ايام حلووه تذكرت كشتي بعد انا

كل من شافها يقول وشذا شمس

وربي ان امي اعجزت واتذكر تقول للجيرا ن

يناس اعجزت الطخ فيها بالكريم وترجع بسم الله تقووم

مع اني بنت مؤدبه مو شاطنيه مره مانكر لي حركات قووويه خع

والله حلوووه قصتها وان شالله ربي يرزقني بزوج يحب عصاقيلي

اما عوانس

شكريا لحن احساس

شاكره مروركم المشرق

ياأحلى تؤام